Оқ уй ҳар қандай босими остида ҳам божхона тўловларини қайта кўриб чиқиш ниятида эмас

Агар бозорлар АҚШ президенти Дональд Трампнинг савдо сиёсатига салбий муносабат билдирса, Қўшма Штатлар янги битимларсиз савдо божлари ҳажмини ўзгартирмайди.

Бу ҳақда Оқ уй қошидаги Миллий иқтисодий кенгаш раҳбари Кевин Хассет NBC News телеканалига берган интервьюсида айтиб ўтди.

"Мен буни истисно қилган бўлардим, чунки савдо битимлари якуний ҳисобланади", деди у мезбоннинг агар бозорлар тарифларга салбий муносабат билдирса, Вашингтон божхона тўловларини қайта кўриб чиқиш имконияти ҳақидаги саволига жавобан.

Хассетнинг сўзларига кўра, бозор иштирокчилари ҳозирги маъмурият томонидан тузилган савдо битимларини ижобий қабул қилишган. "Биз Европадан эришдикки, улар бизнинг маҳсулотларимиз, фермерларимиз, кичик бизнесларимиз учун ўз бозорларини очган ва Европа Иттифоқи мамлакатлари бизга улар учун 15 фоизлик бож белгилаш имкониятини беришган, бу бизга йилига 100 миллиард долларга яқин даромад келтириши мумкин”, — деди у.