2024/2025 йилги мавсум якунлари бўйича дунёнинг энг яхши футболчисига «Олтин тўп» бериш маросими 2025 йил 22 сентябр куни бўлиб ўтади. Тадбир ташкилотчилари Х ижтимоий тармоғидаги ўз саҳифаларида санани эълон қилишди.
Маросим Париждаги Чателет театрида бўлиб ўтади. Қайд этилишича, совринга асосий даъвогарлар «Барселона»дан Рафиня, Ламин Ямал ва Педри, шунингдек, «ПСЖ»дан Усмон Дембеле ва «Ливерпул»дан Муҳаммад Салоҳдир.
Ўтган мавсумда «Манчестер Сити» ва Испания терма жамоаси ярим ҳимоячиси Родри йилнинг энг яхши футболчиси деб топилганди.
«Астон Вилла» ва Аргентина терма жамоаси дарвозабони Эмилиано Мартинес эса Лев Яшин мукофотини қўлга киритди.
Родри 2023/2024 йилги мавсумда «Манчестер Сити» билан Англия Премер-лигаси ва УЕФА Суперкубогида ғолиб чиқди, Испания терма жамоаси билан эса Европа чемпиони бўлди.
Сречко Катанец: "Жаҳон чемпионатида терма жамоадан ҳеч нима кутманглар"
Роналду ва Месси бир таркибда
Ута Абе Диёра Келдиёровага "вызов" ташлади
