Олти марта суиқасддан омон қолган Ал-Ҳаддод ХАМАС ҳаракатининг ҳарбий қанотига раҳбар бўлди

Фаластиннинг ХАМАС ҳаракатининг ҳарбий қанотига Изз ад-Дин ал-Ҳаддод бошчилик қилади, деб ёзади The New York Times манбаларга таяниб. Аввалги раҳбар Муҳаммад Синвар май ойи ўрталарида вафот этган.

Ҳаракатнинг янги раҳбари 2023 йил 7 октябрда Исроилга ҳужумни режалаштиришда иштирок этган, дея қайд этади газета манбалари. У тахминан 50 ёшда ва асли Ғазодан. Нашр уни “Ғазодаги амалдаги етакчи” деб атайди. The New York Times разведка манбасига кўра, Изз ад-Дин ал-Ҳаддод 1990 йилларда чечен бўлгинчиларининг ҳаракатларини Ғазодаги ХАМАС амал қилиши керак бўлган мисол деб ҳисоблайди. Исроилнинг Ynetnews портали Изз ад-Дин ал-Ҳаддод камида олти марта суиқасддан омон қолганини ёзди.

NYT таъкидлашича, Изз ад-Дин ал-Ҳаддод Исроил қўшинлари Ғазо секторидан тўлиқ олиб чиқилмагунча, қолган гаровга олинганларни озод қилиш бўйича ҳар қандай уринишларга тўсқинлик қилиши мумкин. Газета манбаларидан бирига кўра, яқинда у, агар ХАМАС Исроил билан “шарафли келишув”га эришмаса, можаро “озодлик ёки шаҳидлик урушига” айланиб кетишини айтган.