Британия ҳукумати учун Эрон — мамлакат миллий хавфсизлигига таҳдид солаётган энг катта хавфлардан бири сифатида баҳоланмоқда. Бу ҳақда The Daily Telegraph газетаси хабар берди. Нашр маълумотни Британия парламентининг Разведка ва хавфсизлик қўмитаси қўлига тушган махфий ҳисоботга таяниб эълон қилган.
Маълум қилинишича, ҳисобот икки йил мобайнида тайёрланган бўлиб, 100 саҳифадан иборат. Унда Эрон разведка хизматлари Британиядаги мухолифатчиларни жисмонан йўқ қилишга уриниб келаётгани ҳақида хулосалар берилган.
Ҳисобот муаллифлари маълумотларни Британия махсус хизматларида ишловчи Эронлик мутахассислар билан суҳбатлар, шунингдек, махфий ҳужжатлар таҳлили асосида тузган. Унда, шунингдек, Эронлик хакерларнинг Британия компанияларига етказаётган зарари ҳам қайд этилган.
The Daily Telegraph маълумотига кўра, ушбу ҳисоботни тайёрлашга Британиянинг янги Бош вазири Кей Стармер шахсан рухсат берган. Аммо ҳужжат оммага қачон эълон қилиниши ҳозирча маълум эмас.
Кеча Ўзбекистонда энг иссиқ ҳарорат рекорди янгиланди!
Жаҳонгир Ортиқхўжаев Анталяда 550 млн долларлик лойиҳа бошлагани маълум қилинмоқда
Россия санкциялар билан таҳдид қилмоқда: нишонда Ўзбекистон ҳам бор!
