АҚШ разведкаси маълумотларига кўра, Россия президенти Владимир Путин бутун Украинани эгаллаб олиш ва собиқ Совет ҳудудларида таъсирини тиклаш ниятидан воз кечмаган. Бу ҳақда олти манба Reuters агентлигига маълум қилди.
Маълумотлар АҚШ президенти Доналд Трамп ва унинг музокарачилари билдирган — Путин урушни тугатишни истаяпти, деган баёнотларга зид келади. Манбаларга кўра, сўнгги разведка хулосалари сентябрь охирига тўғри келади.
АҚШ хулосалари 2022 йилда уруш бошланганидан бери ўзгармаган ва Европа давлатлари ҳамда разведка хизматларининг Путин бутун Украина ва НАТОга яқин ҳудудларни кўзлаётгани ҳақидаги баҳоларига мос келади.
Шу билан бирга, Оқ уй расмийлари тинчлик музокараларида илгарилаш борлигини айтишмоқда. Давлат котиби Марко Рубио “сезиларли ютуқлар” қайд этилганини, аммо олдинда ҳали узоқ йўл борлигини таъкидлади.
Тўсатдан картангиздан пул ечилса, ҳайрон бўлманг!
Аҳолига ҳеч қандай шартларсиз ҳар 3 ойда 200 доллардан берилади
Туркия Россиядан сотиб олинган С-400 зенит-ракета мажмуаларини қайтармоқчи
