Нью-Йоркдаги отишмада 6 киши ҳалок бўлди

Душанба оқшомида Манхэттен марказидаги офис биносида юз берган отишмада олти киши, жумладан бир полициячи ҳалок бўлди.

Бу ҳақда Нью-Йорк полицияси вакилига таяниб, NBC News хабар берди.

Ҳалок бўлганлар орасида Нью-Йорк полицияси ходими ҳам бор. Ҳуқуқ-тартибот органларидаги манбаларнинг айтишича, отишмани содир этган шахс ўз жонига қасд қилган.

Жиноятнинг аниқ мотиви номаълумлигича қолмоқда. Терговчилар ҳужумчининг шахсига қараб турли версияларни кўриб чиқмоқда.