Бу ҳақда Bloomberg хабар бермоқда.
Nvidia сунъий интеллект агентларининг ҳаракатларини чеклайдиган ва уларга белгиланган қоидалардан ташқари маълумотлар ва компьютер тизимларига киришга йўл қўймайдиган дастурий платформани тақдим этди.
Ишланмани компания сунъий интеллект агентлари изоляцияланган ахборот муҳитларидан ташқарига чиқиб, учинчи томон инфратузилмасига киришга уринган бир қатор воқеалардан сўнг тақдим этди. Nvidia’нинг таъкидлашича, компания тизими июль ойида Hugging Фаcе’ни бузишнинг олдини олиши мумкин эди.
Платформа AI-агентлар нима қилаётганини реал вақтда кузатиб, уларнинг белгиланган чегарадан чиқиб кетишига йўл қўймайди.
Nvidia компаниясининг корпоратив сунъий интеллект бўйича витсе-президенти Жастин Бойтанога кўра, Hugging Face (очиқ кодли дастурий таъминот ишлаб чиқувчилар платформаси) инфратузилмасига ҳужумлар бир неча ҳафта давом этган. Жами компания 17 мингдан ортиқ бундай уринишлар ҳақида хабар берди.
Шу билан бирга, сўнгги ҳужумлар Nvidia’га сунъий интеллект агентларининг ҳаракатларини назорат қилиш учун модель даражасидаги чекловларнинг ўзи етарли эмаслигини кўрсатди.
