Нотр-Дам черковига кириш пулли бўлади

Франция маданият вазири Нотр-Дам черковига кириш учун пул ундиришни таклиф қилди. Бу ҳақда бошқарма бошлиғи Рашида Дати Le Figaro газетасига берган интервьюсида маълум қилди.

“Туристлар Европанинг барча машҳур диний ёдгорликларига пуллик асосда кирадилар. Мен Париж архиепископига туристик саёҳатлар учун рамзий тўлов тайинлашни таклиф қилдим. Бу бизга йилига 75 миллион еврога яқин даромад келтириш ва бу маблағларни мамлакат диний меросини асраб-авайлаш учун ишлатиш имконини беради”, – деди у.

Черков беш йиллик реставрация ишларидан сўнг 8 декабрь куни қайта очилади. 2019 йил апрель ойида черковда ёнғин содир бўлди.

Вазир, шунингдек, Франция фуқаролари ва Европа Иттифоқидан ташқари мамлакатлардан келган сайёҳлар учун Франция музейлари ва ёдгорликларига кириш тўловларини фарқлаш зарурлигини айтди. Унга кўра, сайёҳлар кўпроқ пул тўлашлари керак.

“Франциялик меҳмоннинг Луврга кириши учун Бразилия ва Хитойдан келган сайёҳлар билан бир хил нархда тўлаши нормал ҳолатми? Биз 2026 йил 1 январдан бошлаб маданият муассасаларининг нарх сиёсатини тубдан ўзгартиришни кўриб чиқяпмиз”, – деди у.

Нотр-Дам собори Парижнинг диққатга сазовор жойларидан биридир. 2019 йил апрель ойида черковда ёнғин содир бўлган. Ёнғиндан олдин йилига 14 миллионга яқин сайёҳ келган.

Нотр-Дамдаги ёнғин 2019 йил 15 апрель куни маҳаллий вақт билан соат 6:43 да 93 метрлик (305 фут) ёғоч ва қўрғошин тагида бошланган. Олов тезда соборнинг ла форет (ўрмон) деб номланувчи юзлаб эман тўсинларидан иборат тўсиқли шифтига тарқалди.

Эслатиб ўтамиз, Нотр-Дам черкови ёнғиндан жиддий зарар кўрган. Ёғоч том ва шпиль бутунлай ёниб кетган, собор деворининг бир қисми ва бир қатор устунлар вайрон қилинган.

Айни пайтда Франция президенти Эммануэль Макрон беш йил ичида тарихий бинони таъмирлашни топширди. Бироқ, кўплаб мутахассислар бу мумкин эмаслигини таъкидладилар. Нотр-Дам раҳбари Патрик Шовеннинг сўзларига кўра, черковни тўлиқ тиклаш учун 15-20 йил керак бўлади.