Нигерия БРИКС ҳамкорига айланди

БРИКСга раислик қилаётган Бразилия Ташқи ишлар вазирлиги Нигерияни ассоциацияга ҳамкор давлат сифатида қўшилганини эълон қилди.

Бу ҳақда ТИВ матбуот хизмати хабарида айтилган.

"Бразилия ҳукумати бугун, 2025 йилнинг 17 январида Нигерия (БРИКС) ҳамжамиятининг ҳамкор-давлати сифатида расман қўшилганини эълон қилади", — дейилади баёнотда.

Бразилия расмийлари БРИКС ва Нигерия умумий манфаатларга эга эканлигини таъкидладилар, чунки Африка республикаси, худди ассоциация сингари, глобал жанубдаги мамлакатлар ўртасидаги ҳамкорликни мустаҳкамлашга фаол ёрдам беради ва халқаро ташкилотларни ислоҳ қилиш тарафдори.

Бразилия 1 январдан БРИКСга раисликни қабул қилди. 2024 йилда Россия ассоциацияга раислик қилди; унинг раислигидаги асосий воқеа 22-24 октябрь кунлари Қозонда бўлиб ўтган саммит бўлиб, унда ҳамкор давлатлар тоифасини яратиш тўғрисида қарор қабул қилинди.