Нидерландия Исроилни таҳдид сифатида тан олди

Нидерландия тарихда илк бор Исроилни хавфсизликка таҳдид солувчи давлатлар қаторига киритди. Ушбу рўйхатда Россия, Туркия ва Эрон ҳам бор. Бу қарор хавфсизлик ва терроризмга қарши кураш бўйича чора-тадбирларни мувофиқлаштириш офиси томонидан қабул қилинган.

Нидерландия маълум қилишича, Исроил мамлакатда жамоатчилик фикрини манипуляция қилиш ва сиёсий қарорларга таъсир ўтказиш мақсадида дезинформация (ёлғон ахборот) кампанияларини уюштиришга уринаётганини таъкидлаган.

Маълумотларга кўра, ўтган йили Исроилнинг тегишли вазирлиги Нидерландия ОАВга норасмий каналлар орқали ушбу мамлакат фуқаролари ҳақида нозик шахсий маълумотларни ўз ичига олган ҳужжатни етказган. Бу воқеа Амстердамда “Маккаби” футбол жамоаси мухлисларига гуруҳ томонидан қилинган ҳужумдан сўнг рўй берган. Нидерландия ҳукумати Исроилни мазкур ҳужумда иштирок этган шахсларга нисбатан зўравонликни қўзғатишга уринишда айблаган.

Исроилнинг хавфли фаолиятига яна бир мисол сифатида Гаагада жойлашган Халқаро жиноят судига босим ўтказиш уринишлари ҳам кўрсатиб ўтилган.