Нетаньяхунинг нутқини Ўзбекистон ҳам бойкот қилган. БАА эса йўқ

Исроил Бош вазири Бенямин Нетаньяҳунинг 41 дақиқа давом этган БМТ Бош Ассамблеясидаги нутқи бутун дунёда муҳокамаларга сабаб бўлди – аммо нутқнинг мазмуни эмас, балки унинг бошланишидан олдин рўй берган оммавий чиқиб кетиш сабабли.

Шанба куни Исроил расмийлари қайд этишича, 77 та делегация ё умуман залда бўлмаган, ёки нутқ бошланиши билан чиқиб кетган. Улар орасида Исроилнинг барча қўшнилари – Миср, Урдун, Ливан ва Сурия, шунингдек Саудия Арабистони, Туркия ва Эрон ҳам бор.

Расмийлар таъкидлашича, барча қатнашмаслик ҳолатлари бойкот эмас – баъзи делегациялар Ню-Йоркдаги шу кунги эрталабги сессияда умуман қатнашмаган. Масалан, Урдун ва Миср делегациялари нутққа чиқиб кетмаган, лекин бу махсус норозилик эмас эди.

Покистон делегацияси эса зални тарк этди, аммо четда туриб нутқни тинглади, деб маълум қилди Исроил расмийлари.

Бошқа томондан, 2020 йилдаги “Иброҳим келишувлари”ни имзолаган Баҳрайн ва Бирлашган Араб Амирликлари (БАА) дипломатлари Нетаньяҳунинг нутқини тинглаш учун жойларида қолишди – бу Ғазодаги уруш ва Исроил коалициясидаги баъзи аъзоларнинг Ғарб соҳилидаги ҳудудларни аннексия қилиш чақириқларига қарамасдан содир бўлди.

Бу чиқиб кетиш араб ва халқаро оммавий ахборот воситаларида кенг ёритилди – кўплаб манбалар нутқдан кўра кўпроқ бўшаб қолган зални биринчи саҳифага олиб чиқди. Эрон Олий Раҳбари Оятуллоҳ Али Хоманаий ҳам ушбу чиқиш акс этган суратларни онлайнда улашиб, Исроилни “энг нафратли ва яккалангaн режим” деб атади.

Исроил эълон қилганча, қуйидаги 77 давлат вакиллари нутқда қатнашмаган ёки бошланиши билан чиқиб кетган:

1. Суринам

2. Тувалу

3. Туркманистон

4. Яман

5. Миср

6. Панама

7. Сенегал

8. Фаластин

9. Судан

10. Тунис

11. Туркия

12. Венесуэла

13. Антигуа ва Барбуда

14. Белиз

15. Конго

16. Уман

17. Қатар

18. Саудия Арабистони

19. Тонга

20. Ўзбекистон

21. Ангола

22. Барбадос

23. Колумбия

24. Комор ороллари

25. Доминика

26. Жибути

27. Шимолий Македония

28. Сан-Марино

29. Жанубий Африка

30. Сомали

31. Алжир

32. Бангладеш

33. Бруней

34. Бразилия

35. Чили

36. Конго Демократик Республикаси

37. Ливан

38. Либерия

39. Эритрея

40. Чад

41. Марказий Африка Республикаси

42. Ливия

43. Мавритания

44. Урдун

45. Никарагуа

46. Мадагаскар

47. Нигер

48. Перу

49. Сент-Люсия

50. Словения

51. Афғонистон

52. Багам ороллари

53. Босния ва Герцеговина

54. Ботсвана

55. Шимолий Корея

56. Эсватини

57. Сурия

58. Уганда

59. Покистон

60. Лесото

61. Боливия

62. Испания

63. Куба

64. Экваториал Гвинея

65. Эрон

66. Қирғизистон

67. Ироқ

68. Мозамбик

69. Мьянма

70. Ирландия

71. Мальдив ороллари

72. Индонезия

73. Қувайт

74. Намибия

75. Малайзия

76. Гайана

77. Кения