Нетаньяху яна бир бор Қатарга ҳужум қилиш ниятида эканлигини яширмади

Исроил Бош вазири Беньямин Нетаньяху яна бир бор Қатарда бўлган Фаластиннинг ҲАМАС ҳаракати етакчиларини йўқ қилиш зарурлиги ҳақида гапирди.

Бу ҳақда Нетаньяху ўзининг Х ижтимоий тармоғидаги постида ёзиб қолдирди.

Унга кўра, Фаластин ҳаракати етакчилари тирик қолмоқда. Нетаньяху уларни Ғазо бўйича музокара жараёнини бузишда айблади.

"Қатарда яшовчи ҲАМАС террорчиларининг етакчилари Ғазодаги одамларга қайғурмайди. Уларнинг йўқ қилиниши барча гаровга олинганларимизни озод қилиш ва урушни тугатиш йўлидаги асосий тўсиқни бартараф қилади", деб ёзади у.

9 сентябрь куни Исроил армияси Доҳада бўлиб ўтаётган Ғазо секторида ўт очишни тўхтатиш бўйича музокараларда қатнашаётган ХАМАС делегациясига зарба берди. Ҳужумдан олдин Исроил бу ҳақда Қўшма Штатларни хабардор қилган ва баъзи ОАВ хабарларига кўра, президент Дональд Трампдан "яшил чироқ" олди.

"Ёнғин саммити" деб номланган операция 2023 йил 7 октябрда Исроилга қилинган ҳужум учун масъул ҳаракатнинг юқори мартабали аъзоларини нишонга олди. ХАМАСнинг айтишича, Доҳага берилган зарбаларда делегация аъзоларидан ҳеч бири жабрланмаган.