Исроил бош вазири Биньямин Нетаньяху АҚШ президенти Дональд Трампни Туркиянинг F-35 қирувчи самолётлари ва уларнинг двигателларига киришини чеклашга чақирди.
ОАВ маълумотларига кўра, Исроил ва АҚШ расмийлари Туркия раҳбариятининг Исроилга қарши кескин баёнотларидан хавотир билдирган.
Нетаньяху Fox News телеканалига берган интервьюсида Туркия ўзининг ишлаб чиқилаётган KAAN қирувчи самолёти учун F-35 самолётлари ёки уларнинг двигателларини олишга «лойиқ эмас»лигини айтди.
«Туркия ажойиб мамлакат, аммо уни Исроилни йўқ қилишга очиқчасига чақирган инсон — Эрдоған бошқаради», — деди Нетаньяху.
Унинг фикрича, Туркияга бундай имкониятларни тақдим этиш Исроилнинг ҳарбий устунлигини заифлаштириши ва минтақадаги кучлар мувозанатига таъсир кўрсатиши мумкин.
Суҳбат давомида Нетаньяху Туркия Кипрнинг ярмини назорат қилишини ҳам тилга олди. Бироқ у Кипрни НАТО аъзоси сифатида қайд этди, ҳолбуки Кипр НАТО таркибига кирмайди.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
