Непалдаги ҳукумат қароргоҳи ҳисобланган сарой ёқиб юборилди

Бу ҳақда India Today хабар бермоқда.

Хабар берилишича, сарой бутунлай олов ичида қолган, уни ҳатто ўчиришга ҳам уринишмаяпти. Бинода Непалнинг асосий бошқарма ва муассасалари, жумладан бош вазир идораси жойлашган эди.

"Бундан ташқари, Непалнинг Ҳиндистон билан чегара ҳудудларида ҳам намойишлар бошланди. Ҳиндистон икки давлат чегарасидаги барча ўтиш пунктларини ёпди ва чегарада назоратни кучайтирди", дея ёзмоқда нашр.

Непал армияси мамлакатда оммавий тартибсизликлар тўхтатилмаса, вазиятга аралашиш билан таҳдид қилди.