Нью-Йорк штати вакили Ҳаким Жеффрис АҚШ Конгресси қуйи палатасида демократлар фракцияси раҳбари қилиб сайланди. Бу лавозимда у 82 ёшли Нэнси Пелоси ўрнини эгаллади.
CNN хабарига кўра, партия ичидаги овоз бериш жараёни ёпиқ эшиклар ортида ўтган.
Жеффрис АҚШ Конгресси палаталаридан бирида партия фракцияси раҳбари лавозимига сайланган биринчи қора танли инсон бўлди.
У январ ойидан бошлаб, оралиқ сайловларда АҚШ қонун чиқарувчи органи қуйи палатасида кўпчиликни йўқотган демократлар раҳбари сифатида ўз вазифасини бажаришга киришади.
Аввалроқ, Пелоси АҚШ парламенти қуйи палатасидаги Демократик партия фракцияси раҳбари лавозимидан бош тортгани, аммо бу лавозимда кимни қўллаб-қувватлашини айтмагани маълум бўлган эди.
Қайд этилишича, Демократик партиянинг турли вакиллари Пелосининг ўрнига қора танли сиёсатчи сайланишини қўллаб-қувватлашга тайёрлигини маълум қилган. Хусусан, Вакиллар палатасида кўпчилик демократлар етакчиси Стен Ҳойер аллақачон Жеффрис номзодини маъқуллаган.
Россия яна бир ҳарбий можарода иштирок этиши мумкин
Америкалик таниқли боксчи Баҳодир Жалолов ҳақида фикр бирдирди
ЕЧЛ. Ярим финал. "Бавария" "Реал" билан жанговар дуранг қайд этди
