Олимларнинг таъкидлашича, дунёнинг деярли барча мамлакатларида аёллар эркакларга нисбатан узоқроқ умр кўради. Глобал ўртача ҳисобда аёллар эркаклардан тахминан беш йил кўпроқ яшайди.
Мутахассислар бу ҳолатни бир нечта омиллар билан изоҳлайди.
Тадқиқотчиларнинг фикрича, аёллардаги эстроген гормони юрак-қон томир тизимини ҳимоя қилишда муҳим роль ўйнайди. Шунингдек, аёлларда икки дона Х-хромосома мавжудлиги баъзи ирсий касалликларга қарши қўшимча муҳофаза вазифасини бажариши мумкин.
Олимлар эркаклар ўртасида чекиш, спиртли ичимликларни кўпроқ истеъмол қилиш, хавфли касбларда ишлаш ва таваккалчиликка мойиллик юқорироқ эканини таъкидлайди. Бу эса эрта ўлим хавфини оширади.
Масалан, Россия, Украина ва Вьетнам каби давлатларда аёллар ўртача эркаклардан ўн йилгача кўпроқ умр кўриши кузатилади. Мутахассислар бу ҳолатда чекиш ва алкоголь истеъмоли муҳим омиллардан бири эканини қайд этади.
Аёллар одатда тиббий кўриклардан мунтазамроқ ўтади ва ўз саломатлигига кўпроқ эътибор беради. Эркаклар эса кўпинча касаллик аломатларини кечроқ пайқаши ёки шифокорга мурожаат қилишни орқага суриши мумкин.
Шу билан бирга, аёллар ва эркаклар ўртасидаги умр давомийлиги фарқи ҳар бир мамлакатда турлича. Айрим давлатларда бу фарқ жуда катта бўлса, бошқаларида бир неча йил билан чекланади.
Олимлар аёлларнинг узоқ умр кўришига сабаб бўладиган ягона омил йўқлигини, бу ҳолат биологик хусусиятлар, турмуш тарзи ва ижтимоий омилларнинг биргаликдаги таъсири натижаси эканини таъкидламоқда.
1 июндан тарифлар ошади: олдиндан тўлов қилганлар 2 ой эски нархда тўлайди
Ўзбекистонда июнда аномал иссиқ оқибатида ҳарорат +47° гача чиқади
Россияда муфтийлар оммавий равишда ҳибсга олинмоқда
