"Навбаҳор"нинг россиялик собиқ бош мураббийи қозоқ ва ўзбек футболининг ривожланишини қайд этди

Наманганнинг "Навбаҳор" клуби собиқ мураббийи Андрей Канчельскис Қозоғистон ва Ўзбекистонда футболнинг ривожланиши ҳақида фикр билдирди.

"Ўзбекистонда футбол жадал ривожланмоқда, уларнинг терма жамоаси жаҳон чемпионатига бежиз чиқмаган. Клубларимиз Марказий осиёлик футболчиларга эътибор қаратиши керак. Бу бизга яқин ва дўстона ҳудуд бўлиб, унда кўплаб иқтидорли футболчилар бор," - деди Канчельскис.

Ўзбекистон терма жамоасининг энг ёрқин вакили - Абдуқодир Ҳусанов. 21 ёшли футболчимиз ҳозирда Англиянинг "Манчестер Сити" клуби шарафини ҳимоя қилади. Жорий мавсумда Абдуқодир Англия Премьер-лигасида 4 та ўйинда майдонга тушди.