Ўзбекистон Кубогининг ярим финалида иштирок этадиган барча жамоалар номи маълум бўлди. Сўнгги йўлланмани "Ғазалкент" устидан 3:1 ҳисобида ғалаба қозонган "Навбаҳор" қўлга киритди.
Наманганда ўтган чорак финал баҳсининг биринчи бўлими мезбонлар устунлигида кечди. 26-дақиқада Жасурбек Жалолиддиновнинг узатмасини Муҳаммадали Ғиёсов бош билан дарвозага йўллаб, ҳисобни очди. Орадан олти дақиқа ўтиб, Жоэл Кожо фарқни иккитага етказди.
Танаффусдан кейин меҳмонлар ўйинга қайтишга ҳаракат қилди. 52-дақиқада Лазизбек Мирзаев гол уриб, ҳисобни 2:1 кўринишига келтирди.
Кейинги дақиқаларда "Ғазалкент" ҳисобни тенглаштириш имкониятларига эга бўлди, бироқ дарвозабон Шукрон Йўлдошев бир неча бор жамоасини муқаррар голдан сақлаб қолди.
82-дақиқада Ҳусайн Норчаев рақиб дарвозасини ишғол этиб, учрашувнинг якуний ҳисобини ўрнатди — 3:1.
Шу тариқа, "Навбаҳор" Ўзбекистон Кубогининг ярим финалига йўл олди. Наманганликлар финал йўлланмаси учун ОКМК билан куч синашади.
Ўзбекистон Кубоги. Чорак финал
"Навбаҳор" — "Ғазалкент" — 3:1
Голлар: Муҳаммадали Ғиёсов (26), Жоэл Кожо (32), Ҳусайн Норчаев (82) — Лазизбек Мирзаев (52).
Баҳодир Жалолов жангдан кейин нега Абдуқодир Ҳусанов ва Эрлинг Холанд олдига борди?
Шоҳжаҳон Эргашевнинг Тошкентдаги жанги жанжал билан ниҳоясига етди
Россиялик марҳум боксчи умрининг сўнгги 11 йилида гапирмагани маълум бўлди
