NATO иккита Eurofighter қирувчисини ҳавога кўтарди

NATO Болтиқ денгизи устида Россияга тегишли самолёт аниқлангани сабабли иккита Eurofighter қирувчисини ҳавога кўтарди

Бу ҳақда Handelsblatt Германия ҳарбий-ҳаво кучларига таяниб хабар бермоқда.

Маълум қилинишича, Россияга тегишли самолёт халқаро ҳаво маконида парвоз режасисиз ҳаракатланган ва алоқага чиқмаган.

"Германиянинг Росток-Лаге авиабазасидан иккита Eurofighter қирувчилари ҳавога кўтарилди ва рус самолётини визуал тарзда аниқлади. Тахминларга кўра, бу Россиянинг Ил-20М разведка самолёти бўлган", дея ёзмоқда нашр.