Халқ депутатлари Нарпай тумани Кенгашининг навбатдан ташқари сессиясида ташкилий масала кўрилди.
2020 йилдан буён туманга раҳбарлик қилиб келган Раҳманов Шерзод Шухратович бошқа ишга ўтаётганлиги муносабати билан туман ҳокими лавозимидан озод этилди.
Депутатлар Буранов Шербек Эркиновични Нарпай тумани ҳокими лавозимига тасдиқладилар.
Шербек Буранов 1985 йилда Самарқанд вилояти Нарпай туманида туғилган. 2003 йилдан бошлаб банк тизимида турли лавозимларда ишлаган. 2021 йилдан Ўзбекистон Республикаси Олий Мажлиси Қонунчилик палатаси Коррупцияга қарши курашиш ва суд-ҳуқуқ масалалари қўмитасининг аъзоси сифатида фаолият кўрсатиб келаётган эди.
