Наманганда 473 миллион сўмлик табиий газдан ноқонуний фойдаланган нонвойхона аниқланди

“Ўзэнергоинспекция” Наманган вилоят бошқармаси ҳамда “Ҳудудгаз Наманган” ГТФ ҳамкорлигида ўтказилган назорат тадбирлари давомида, Наманган туманида фуқаро "А.И."га тегишли нонвойхонада ҳеч қандай ҳужжатсиз, табиий газдан ноқонуний равишда фойдаланиб келинаётгани аниқланди.

Дастлабки ҳисоб-китобларга кўра, мазкур қоидабузарлик натижасида газ таъминоти корхонасига 473 миллион сўм миқдорида иқтисодий зарар етказилган.

Ҳозирда ҳолат юзасидан ҳуқуқни муҳофаза қилувчи органлар томонидан терговгача текширув ишлари олиб борилмоқда.