Муҳаммад Салоҳ – Англия футболида йилнинг энг яхши футболчиси!

Муҳаммад Салоҳ футбол журналистлари уюшмаси томонидан йилнинг энг яхши футболчиси деб топилди.

"Ливерпуль" вингери Футбол Ёзувчилари Ассоциацияси томонидан Англия футболида йилнинг энг яхши футболчиси совринини қўлга киритди. Овоз беришда ташкилотнинг 900 дан ортиқ аъзоси иштирок этди ва мисрлик 90% овозни қўлга киритди, бу 21-асрдаги энг яхши натижадир.

Салоҳ учинчи бор совринни қўлга киритиб, Тьерри Анрининг рекордини такрорлади. У аввалроқ 2018 ва 2022 йилларда ҳам бу совринни ютган эди.