Модрич: "Месси ва Роналду даврида "Олтин тўп"ни ютиш алоҳида воқеа эди"

Ҳозирда "Милан" сафида тўп сураётган хорватиялик ярим ҳимоячи Лука Модрич 2018 йилда "Олтин тўп"ни қўлга киритгани ҳақида фикр билдирди.

"Бу мен учун ақл бовар қилмас воқеа эди. Футболдаги энг катта шахсий эътироф ҳам шу. Бундан муҳимроқ индивидуал соврин йўқ.

Лео Месси ва Криштиану Роналду даврида "Олтин тўп"ни ютиш алоҳида аҳамиятга эга эди. Бу соврин менга насиб этганидан жуда хурсандман", — дея Модричнинг сўзларини AS нашри келтирди.

Модрич "Олтин тўп"ни Мадриднинг "Реал" клубида ўйнаб юрган пайтида қўлга киритган эди. Хорватиялик ярим ҳимоячи 2012 йилдан 2025 йилга қадар "қироллик клуби" шарафини ҳимоя қилган.