Модрич Бенземанинг рекордини янгилади

Лука Модрич Мадрид дербисида иштирок этиш бўйича хорижликлар орасида рекордчига айланди.

"Реал"нинг 39 ёшли хавбеки фаолиятидаги "Атлетико"га қарши 40-ўйинини ўтказди (1:1) ва "матрасчилар"га қарши 39 ўйин ўтказган собиқ жамоадоши Карим Бенземани ортда қолдирди.

Рўйхатнинг учинчи поғонасини "Реал"нинг собиқ ярим ҳимоячиси Тони Кроос эгаллаб турибди - 33 ўйин.

Топ-5дан шунингдек, Ян Облак ("Атлетико," 32), Криштиану Роналду (собиқ "Реал") ва Антуан Гризманн ("Атлетико") жой олган - 31 тадан ўйин.