Туркия Қишлоқ ва ўрмон хўжалиги вазирлигининг хабар беришича, Мисрдан самолёт билан келган йўловчи Туркияга 17 та тимсоҳ ва 10 та калтакесакни олиб киришга уринган. Бу ҳақда "РИА Новости" ёзмоқда.
Қайд этилишича, Мисрдан келган шубҳали йўловчи Истанбул "Сабиҳа Гўкчен" аэропортида божхона ходимларининг эътиборини тортган. Чамадонни кўздан кечирганда, унда 17 та Нил тимсоҳлари борлиги аниқланди, улардан бештаси аллақачон ўлган ва 10 та калтакесаклари, улардан фақат бештаси тирик қолган.
Эркак жониворларни Туркия жануби-шарқидаги Ҳатай вилоятига ташиш учун зарур ҳужжатларсиз етказиб беришни режалаштирган, дея таъкидлади департамент.
