Миллиардер ҳамда казинолар тармоғи асосчиси Шелдон Адельсон вафот этди

Миллиардер ва “Las-Vegas Sands” асосчиси Шелдон Адельсон 87 ёшида вафот этди. Бу ҳақда компания веб-сайтида хабар берилди.

"Бизнинг асосчимиз ва доно раҳбаримиз Шелдон Адельсон 11 январь куни 87 ёшида вафот этди", дейилади баёнотда.

“Forbes” маълумотларига кўра Адельсон энг бой одамлар орасида 19-ўринни эгаллаб турибди. Унинг бойлиги 35 миллиард долларга баҳоланмоқда.

Миллиардер Лас-Вегас, Хитой ва Сингапурдаги казино ва курортларга эгалик қилар эди.