Халқаро футбол тарихи ва статистикаси федерацияси (IFFHS) 2022 йилнинг энг яхши футболчисини аниқлади. "Пари Сен-Жермен" ҳужумчиси Лионель Месси ушбу совринни қўлга киритди.
Ўтказилган сўровномада аргентиналик футболчи 275 очко тўплаган ҳолда таъқибчиларини анча ортда қолдирди. Иккинчи ва учинчи ўринларни эгаллаган Килиан Мбаппе ва Карим Бензема ҳисобида бор-йўғи 35 ва 30 балл тўпланди.
Лука Модрич ва Эрлинг Холанд эса 15 ва 5 балл билан тўртинчи ва бешинчи ўринларни эгаллашди.
Эътиборли томони, Месси фаолияти давомида илк марта ушбу совринни қўлга киритди. 2020 ва 2021 йилларда Роберт Левандовски мазкур соврин эгасига айланганди.
