Мерц Украинага қурол етказиб бериш ҳақидаги маълумотларни нашр этишни тўхтатишга қарор қилди

Германия канслери Фридрих Мерц Украинага қурол етказиб бериш ҳақидаги маълумотларни нашр этишни тўхтатишга қарор қилди.

Шундай қилиб, Германия 2022-йилнинг февралидан июнигача амал қилган махфийлик сиёсатига қайтади.Бу қарор “стратегик ноаниқлик” яратиш зарурати билан изоҳланади: яъни душман ҳарбий устунликка эришмаслик учун қурол-яроғ етказиб бериш масаласида қоронғуликда қолиши керак.

Украинанинг Германиядаги элчиси Алексей Макеев бу қарорни олқишлади:

"Яхши шахматчи олдинда бир неча ҳаракатларни ўйлайди. У қилмайдиган нарса рақибига кейинги ҳаракатлари нима эканлигини айтишдир".

Украинанинг собиқ элчиси Андрей Мелник бошқача фикр билдирди:

"Бу [Германия] ҳукумати 2022 йил баҳорида ҳарбий ёрдамнинг этишмаслигини яшириш учун махфийликдан фойдаланган пайтдаги оғриқли хотираларни қайтаради."