Мексика ва Уругвай Кубага гуманитар ёрдам ортилган яна бир кема жўнатди

Бугун Гавана портига Мексика ва Уругвайдан яна бир гуманитар ёрдам жўнатилди.

Бу ҳақда Кубанинг Cubadebat портали хабар берди.

Маълумотларга кўра, кема портда Куба Бош вазири ўринбосари Оскар Перес-Олива, Куба озиқ-овқат саноати ва ички савдо вазирлари ҳамда Мексика ва Уругвайнинг Гаванадаги элчилари томонидан кутиб олинган.

Гуманитар ёрдам озиқ-овқат ва гигиена воситаларини ўз ичига олади ва асосан болалар, қариялар ва муҳтож оилаларга юборилади.

"Куба жиддий иқтисодий қийинчиликларни бошдан кечирмоқда, бу АҚШ ҳукумати томонидан республикага қарши жорий этилган савдо, иқтисодий ва молиявий эмбаргонинг кучайиши билан янада оғирлашди", деди Куба озиқ-овқат саноати вазири Алберто Лопес.

Мексиканинг Кубадаги элчиси Мигел Игнасио Диас Рейносо бу йил бошидан бери Мексика томонидан Кубага юборилган саккизинчи ёрдам жўнатмаси эканлигини эълон қилди. Бу сафар Уругвай ташаббусга қўшилди.

Шуни таъкидлаш керакки, Кубадаги вазият шу йилнинг январь ойи охирида АҚШ маъмурияти оролга ёқилғи етказиб беришни тўлиқ блокировка қилишга қаратилган чораларни эълон қилганидан кейин кескин ёмонлашди.