Мбаппе Роналдуни ҳам ортда қолдириб кетди

Шу ҳафта Испания чемпионатидан ўрин олган "Реал" - "Леванте" учрашуви бўлиб ўтди. Унда Хаби Алонсо шогирдлари 4:1 ҳисобидаги йирик ғалабани тантана қилди. "Қироллик клуби" сафида юлдуз ҳужумчи Килиан Мбаппе дубль қайд этди.

Realmadridconfidencial хабарига кўра, юлдуз француз Испания Ла Лигасида "қаймоқранглилар"нинг 40 та ўйинида 38 та гол урган. Мбаппе португалиялик тўпурар Криштиану Роналдунинг натижасини ортда қолдирди. Беш карра "Олтин тўп" соҳиби мадридликлар сафида чемпионатдаги дастлабки 40 та ўйинда 37 та гол урган.

Килиан жорий мавсум Ла Лигада 6 та ўйин ўтказиб, 7 та гол уришга муваффақ бўлди.