Мбаппе "Реал" сафида дебют мавсумида гол уриш бўйича рекордни янгилашга яқин турибди

Килиан Мбаппе "Реал"даги илк мавсумида гол уриш бўйича рекордга яқинлашди.

Ҳужумчи Ла Лиганинг 34-турида "Сельта" дарвозасига дубль қайд этди.

Энди французнинг ҳисобида мадридликлар сафида расмий ўйинларда урилган 36 та гол бор. Аввалроқ ҳужумчи дебют мавсумида 33 та гол урган Криштиану Роналдуни ортда қолдирганди.

"Мадрид"даги дебют мавсумида Мбаппедан кўпроқ голни фақат 1992/93 мавсумида Иван Саморано урган (37). Килиан 1934/35 йилги мавсумда қайд этилган Фернандо Санудонинг натижасини такрорлади (36 гол).