Мбаппе: «Реал» — дунёнинг энг яхши клуби, аммо «ПСЖ»...»

Мадриднинг «Реал» клуби ҳужумчиси Килиан Мбаппе собиқ жамоаси — «ПСЖ» билан «Реал» ўртасидаги фарқ ҳақида гапирди.

«Бу икки клуб жуда фарқли тарих ва маданиятга эга. «ПСЖ» — нисбатан ёш клуб, «Реал» эса узоқ йиллик тарих ва чуқур анъанага эга жамоа. Маданият ҳам бошқача. Шубҳасиз, «Реал» — дунёдаги энг яхши клуб, аммо «ПСЖ» ҳам энг кучлилар қаторида. Улар футболга икки хил ёндашувни ифода қилади. Мен «ПСЖ»нинг бир қисми бўлганимдан фахрланаман ва «Реал» сафида бўлишимдан ҳам фахрланаман», — деди Мбаппе.

Эслатиб ўтамиз, франциялик ҳужумчи 2017-2024 йиллар оралиғида «ПСЖ» сафида тўп сурган ва клуб тарихидаги энг яхши тўпурарга айланган. У 308 та ўйинда 256 та гол урган.

«Реал» сафида эса Мбаппе 2024 йилнинг ёзидан бери ўйнамоқда ва шу пайтгача барча мусобақаларда 72 та ўйинда 60 та гол киритган.