Мбаппе Ла Лигада гол уриш бўйича Роналдудан ҳам юқори темп намойиш этмоқда

Килиан Мбаппе Ла Лигадаги дастлабки 45 ўйинда Криштиану Роналдудан кўпроқ гол урди.

Француз Испания чемпионатининг 11-турида "Валенсия"га қарши ўйинда дубль қайд этди. Энди унинг ҳисобида ушбу мусобақада 45 та ўйинда 44 та гол бор.

Мбаппе бу натижага Роналдудан тезроқ эришди. Криштиану Ла Лигадаги дастлабки 45 ўйинда 43 марта рақиб дарвозасини ишғол қилган.

Мбаппедан тезроқ 44 та гол уришга муваффақ бўлган сўнгги футболчи Ференц Пушкаш эди. У 44 ўйиндан кейин шунча гол урган.