Жаҳон соғлиқни сақлаш ташкилоти (ЖССТ) маълум қилишича, сўнгги ойларда маймун чечаги вирусининг янги — 1b штамми бир нечта давлатларда қайд этилган. Улар орасида Италия, Малайзия, Нидерландия, Португалия, Испания ва АҚШ каби мамлакатлар бор. Энг хавотирли жиҳати шундаки, вирус бу давлатларда яқинда саёҳат қилмаган фуқароларда ҳам аниқланмоқда.
ЖССТ ҳисоботида қайд этилишича, вируснинг барча турлари ҳали ҳам айланишда бўлиб, уни тезда назорат остига олиш зарур. Ташкилот огоҳлантиришича: “Агар эпидемия тезда чекланмаса, тарқалиш давом этади.” Шу билан бирга, 1b штамми Африка ҳудудидан ташқарида ҳам кенгаймоқда.
2025 йил сентябрь ҳолатига кўра, дунё бўйича 42 мамлакатда 3135 та тасдиқланган ҳолат қайд этилган. 12 та ўлим ҳолати аниқланган. Касалликларнинг 80 фоизидан ортиғи Африка минтақасига тўғри келади. Сўнгги олти ҳафта ичида 17 та Африка давлатида 2862 нафар бемор қайд этилган бўлиб, 17 киши вафот этган.
Вирус турлари икки хил:
Клад I — асосан Марказий ва Шарқий Африкада учрайди ва оғир ҳолатларга сабаб бўлади.
Клад II — енгилроқ кечади ва 2022 йилдаги глобал эпидемияга сабаб бўлган.
Ҳозир кузатилаётган 1b штамми янги ва хавфлироқ тур ҳисобланади. У айниқса Конго Демократик Республикасининг шарқий ҳудудларида ҳамда қўшни мамлакатларда фаол тарқалмоқда. Марказий Африкада 1a ва 1b штаммлари биргаликда учраса, Шарқий Африкада асосан 1b ҳолатлари қайд этилмоқда.
Ўзбекистонда 4 кишилик оиланинг яшаши учун қанча маблағ кераклиги ҳисоблаб чиқилди
Муҳожирлар орасида биринчи: Украинага қарши урушда Россия армияси сафида жанг қилаётган ўзбеклар сони маълум бўлди
Қайнонасининг гўштидан манти қилиб, эрини ҳам ўлдирган аёлга 12 йил жазо берилди
