Мармара денгизида 291 та ер силкиниши қайд этилди

Силиври яқинидаги кечаги 6,2 магнитудали зилзиладан кейин Мармара денгизида 291 та ер силкиниши қайд этилди. Чиқарилган энергия миқдори тротил эквиваленти 30 килотондан ортиқ эди.

Бу ҳақда Туркия табиий офатлар ва фавқулодда вазиятлар бошқармаси баёнотида айтилган.

Таъкидланишича, силкинишларнинг аксарияти кучсиз бўлиб, уларнинг сони камайиш тенденцияси кузатилмоқда.

"Зилзила пайтида Истанбулнинг жанубий соҳилидаги аҳоли пунктлари 5 магнитудага тўғри келадиган кучсиз ер силкинишидан ларзага келди. Хавфларни камайтириш бўйича кўрилган тезкор чора-тадбирлар туфайли зилзила конструксияларга зарар етказмади ва инсонлар қурбон бўлмади", — дейилади хабарда.

Шу билан бирга, посцейсмик фаолликка алоҳида эътибор қаратилмоқда: "Асосий силкинишдан сўнг 291 та ер силкиниши қайд этилган. Улардан 283 таси 3,9 ва ундан паст баллга эга бўлган, аксарияти 3 баллдан кам. Фақат 8 таси зилзила 4 балл чегарасидан ошиб кетган”.

АФАД маълумотларига кўра, сўнгги 28 соат ичида 4 соатлик интервал билан зилзилалар частотаси таҳлили барқарор пасайиш тенденциясини кўрсатмоқда. Келгуси бир неча ҳафта ичида силкинишлар пасайиши кутилмоқда.

Баёнотда, шунингдек, зилзила натижасида чиқарилган энергия тротил эквиваленти 30 килотондан ошгани, бу 2019 йил 26 сентябрда худди шу минтақада содир бўлган 5,8 магнитудали зилзиладан тахминан тўрт баравар кўп эканлиги таъкидланган.