Маркус Рэшфорд клубини ўзгартирди

"Астон Вилла" Маркус Рэшфорд билан шартнома имзолаганини эълон қилди.

Бирмингем клубининг хабар беришича, форвард жорий мавсум охиригача "Манчестер Юнайтед"дан ижарага олинган.

Инсидер Фабрицио Романонинг ёзишича, бирмингемликлар 27 ёшли инглиз футболчисининг маошининг 75 фоизини ўз зиммасига олган ва июнь ойида уни 40 миллион фунтга сотиб олиш имконияти ҳам бор.

"Манчестер Юнайтед" тарбияланувчиси бу мавсумда АПЛда 15 та ўйин ўтказиб, 4 та гол урди.