АҚШ Сенати МРБ директори лавозимига Жон Ретклифф номзодини тасдиқлади. Бу ҳақда Reuters хабар бермоқда.
Трампнинг биринчи муддати даврида у АҚШ миллий разведкаси директори лавозимини эгаллаган.
Мунозаралар пайтида Ж.Ретклифф хизмат ходимларини Трамп сиёсатини ўтмишда танқид қилгани ва баҳолагани учун таъқиб қилмасликка сўз берди.
МРБнинг янги директори фикрича, АҚШнинг стратегик рақиблари Россия ва Хитойдир. Бундан ташқари, у Америка разведка хизмати ходимларининг ҳаётига суиқасд сифатида қаралаётган "Гавана синдроми" деб номланувчи терговни охирига етказишни ваъда қилди.
