АҚШ Марказий разведка бошқармаси директори Уильям Бёрнс Россия ва Хитойнинг ҳозирги ҳамкорлигини мустаҳкам деб билишини айтди.
“Мен Си Цзиньпин ва Владимир Путин бошчилигидаги Хитой ва Россия ўртасидаги ҳамкорликни мустаҳкам деб биламан”, — дея Бёрнснинг сўзларидан иқтибос келтирган “РИА Новости”.
Унинг таъкидлашича, мамлакатлар ўртасидаги муносабатларнинг моҳиятини Хитой раҳбарининг яқинда Москвага қилган ташрифи алоҳида таъкидлайди.
Марказий разведка бошқармаси раҳбари АҚШ разведкаси маълумотларига кўра, Хитой ҳали Россияга қурол ва ўқ-дорилар етказиб бермаганини қўшимча қилди.
