Қозоғистоннинг Туркистон вилоятида ёғингарчиликни сунъий равишда кўпайтириш лойиҳаси ишга туширилди. Бу ҳақда мамлакат Сунъий интеллект ва рақамли ривожланиш вазирлиги матбуот хизмати маълум қилди.
16 май куни бўлиб ўтган расмий маросимда таъкидланишича, Қозоғистон Марказий Осиё минтақасида бундай замонавий тизимдан фойдаланишни бошлаган биринчи давлатга айланди. Мазкур ташаббус минтақадаги қишлоқ хўжалиги ерларини қурғоқчиликдан ҳимоя қилиш ҳамда сув танқислиги оқибатларини юмшатишга қаратилган.
Мутахассисларнинг тушунтиришича, янги технология экологик жиҳатдан хавфсиз бўлиб, фақат маҳаллий даражада таъсир кўрсатади. Махсус қурилмалар 5 километр радиусда ишлайди ва кенг кўламли салбий об-ҳаво ҳодисаларини келтириб чиқармайди.
Халқаро ҳисоб-китобларга кўра, ушбу сунъий қурилмалар ёрдамида ҳудуддаги ёғингарчилик миқдорини табиий даражага нисбатан 10 фоиздан 20 фоизгача ошириш имконияти мавжуд.
Яна бир давлат Эронга махфий равишда ҳужум уюштирган
Ҳарбий қўмондонлик Путинни Россия армияси кузгача бутун Донбассни эгаллашига ишонтирди
Шимолий Корея Россиянинг Украинага қарши урушидан қанча даромад кўрди
