Марказий Осиё ва Кавказ бир-бирини тўлдирувчи инвестицион минтақа бўлиши мумкин ва керак

Бу ҳақда Тошкент инвестиция форуми доирасида Қозоғистон Хорижий инвесторлар кенгаши ассоциацияси директори Жанна Байдашева айтиб ўтди.

"Ишончим комилки, бизнинг янги минтақавий инвестиция Кенгашлари алянсимиз инвесторлар ишончини мустаҳкамлаш, ягона минтақавий инвестиция кун тартибини яратиш ва қўшма лойиҳаларни илгари суриш учун янада муҳим механизмга айланиши мумкин", деб хулоса қилди у.

Унинг фикрича, трансчегаравий инвестиция лойиҳалари айниқса муҳим: транспорт йўлаклари, логистика инфратузилмаси, энергетика, рақамли коммуникациялар ва саноат кооперациясини ривожлантириш — бутун минтақа учун иқтисодий ўсишнинг янги омили бўлиши мумкин.