Марказий банк асосий ставкани 14 фоиз даражасида сақлаб қолди

Марказий банк бошқарувининг 4 ноябрдаги йиғилишида асосий ставкани йиллик 14 фоиз даражасида сақлаб қолиш тўғрисида қарор қабул қилинди.

Сентябрда йиллик инфляция 6,4 фоизни, базавий инфляция эса 5,5 фоизни ташкил этган. Инфляцион кутилмалар пасайишда давом этмоқда.

Шу билан бирга, юқори ички талаб ҳамда жаҳон бозорларида озиқ-овқат ва энергия нархларининг ўзгарувчанлиги инфляцион хатарларни сақлаб қолмоқда. Январь–сентябрь ойларида иқтисодий ўсиш 8,3 фоизга етган.

Прогнозга кўра, инфляция 2026 йил якунида 7 фоиз атрофида, 2027 йил охирида эса 5 фоизлик мақсадли даражада бўлиши кутилмоқда.

Асосий ставкани кўриб чиқиш бўйича навбатдаги йиғилиш 16 декабрга белгиланган.