"Манчестер Сити" ҳимоячиси Ла Лига клубига ўтишни якунламоқда

"Манчестер Сити" марказий ҳимоячиси Витор Рейс ижара асосида "Жирона"га ўтишга яқин турибди.

Журналист Фабрицио Романонинг ёзишича, клублар 19 ёшли футболчи бўйича келишув шартларини аллақачон ҳал қилиб бўлган.

Тез орада бразилиялик футболчи тиббий кўрикдан ўтиш учун Испанияга йўл олади, шундан сўнг унинг ижараси тасдиқланади. "Манчестер Сити" жорий йилнинг январь ойида Витор Рейсни Бразилиянинг "Палмейрас" клубидан 37 млн еврога сотиб олган эди. Истиқболли футболчининг шартномаси 2029 йилгача мўлжалланган. У Хосеп Гвардиола жамоаси сафида 4 марта майдонга тушиб, гол ура олмади.