"Бенфика" президентлиги учун курашаётган португалиялик тадбиркор Жоау Лопеш "Манчестер Сити"нинг 31 ёшли ярим ҳимоячиси Бернарду Силвани Лиссабон клубининг асосий трансфер мақсади сифатида белгилаб қўйди. Бу ҳақда Record хабар бермоқда.
Манбага кўра, Лопеш аллақачон Силва билан чуқур музокаралар олиб бормоқда. Таъкидланишича, португалиялик футболчи учун шартнома тайёрланган ва у январда имзоланиши мумкин.
Силва "Манчестер Сити" сафида 2017 йилнинг ёзидан буён тўп суриб келмоқда. Ушбу давр мобайнида ярим ҳимоячи барча мусобақаларда 410 та ўйинда майдонга тушиб, 72 та гол ва 73 та голли узатмани амалга оширди. Футболчининг клуб билан амалдаги меҳнат шартномаси 2026 йилнинг ёзига қадар мўлжалланган. Трансфермаркт порталида келтирилган маълумотларга кўра, футболчининг бозор нархи 38 млн еврони ташкил этади.
Гвардиола Ҳусанов сариқ карточка олган вазият ҳақида фикр билдирди
Элмурод Ҳақназаров бразилиялик рақибидан устун келди
"Захирамизда бошқа Шомуродов, Юсупов ва Ҳусанов йўқ!"
