"Манчестер Сити" "Борнмут"ни мағлуб этди, Родри 2024 йил сентябридан бери биринчи марта ўйнади

"Манчестер Сити" ўз майдонида АПЛнинг 37-турида "Борнмут"ни мағлуб этди - 3:1.

Мезбонлардан Омар Мармуш ва Бернарду Силва биринчи бўлимда гол урган бўлса, иккинчи бўлимда Нико ўз ҳисобига гол ёздириб қўйди. Меҳмонлар орасида Дэниель Жеббисон эътироф этилди.

Ўйин мавсум охирида "Сити"ни тарк этадиган ярим ҳимоячи Кевин де Брюйне учун "Этиҳад" стадионидаги сўнггиси бўлди. "Шаҳарликлар" мухлислари бельгиялик шарафига баннер илиб қўйишди.

Жамоалар ўйинни 10 киши бўлиб якунлашди: 67-дақиқада Матео Ковачич ("Ман Сити"), 74-дақиқада Льюис Кук ("Борнмут") қизил карточка олди.

Ўйин охирида жароҳати туфайли 2024 йил сентябрь ойидан бери майдонга тушмаётган "Сити" хавбеки Родри майдонга тушди.

Хосеп Гвардиола жамоаси очколарини 68 тага етказиб, АПЛ турнир жадвалида учинчи ўринга кўтарилиб олди. "Борнмут" 53 очко билан 11-поғонада бормоқда.