Макрон ва Саудия валиаҳд шаҳзодаси минтақадаги вазиятни муҳокама қилди

Эммануэль Макрон Муҳаммад бин Салмон билан телефон орқали суҳбат ўтказиб, Яқин ва Ўрта Шарқдаги вазиятни муҳокама қилди.

Макроннинг маълум қилишича, суҳбат давомида у АҚШ ва Эрон ўртасидаги вақтинчалик ўт очишни тўхтатиш келишувини қўллаб-қувватлаган.

Франция президенти ушбу вақтинчалик тинчлик режими тўлиқ ҳажмда амал қилиши ва кечиктирмасдан Ливанга ҳам кенгайтирилиши кераклигини таъкидлади.

Унинг сўзларига кўра, минтақадаги барқарорлик учун барча томонлар келишув шартларига риоя қилиши муҳим аҳамиятга эга.