Франция президенти Эммануэль Макрон оммавий тартибсизликларни тўхтатиш ва дўконлар, маъмурий бинолар ҳамда шаҳар марказларини ҳимоя қилиш мақсадида яқин кунларда рухсатсиз намойишлар ўтказилишини тақиқлаш бўйича чоралар кўрилишини билдирди.
«Яқин кунларда намойишлар ўтказмаслик умумий тавсия ҳисобланади», — деди Макрон махсус хизматлар вакиллари билан ўтказилган йиғилишда.
Шу билан бирга, касаба уюшмаларининг акциялари бутунлай тақиқланмайди. Уларга намойишлар учун муқобил йўналишлар таклиф этилади.
Макрон 17 октябрда юз берган оммавий тартибсизликлар учун уюшган ўта сўл гуруҳларни айблади. У уларнинг ҳаракатларини «исёнкорлик» деб атаб, Республика тузумини ағдаришга қаратилганини таъкидлади.
Президентнинг сўзларига кўра, сиёсий мақсадлардаги ҳаракатлардан ташқари, талончилик ва вандализм ҳолатлари ҳам кузатилган. Ҳукумат бундай қонунбузарликларга нисбатан қатъий чоралар кўришни режалаштирмоқда.
Зеленский Украина ҳудудининг бир қисмидан воз кечишга олиб келадиган тинчлик келишувига рози бўлиши мумкин
Дунёдаги энг йирик йўловчи самолёти Москвага қўна олмаяпти — ОАВ
Киевда энди электр ишлаб чиқариш манбалари йўқ — Кличко
