UFC чемпиони Конор Макгрегор Макс Холлоуэйга қарши жангида олган жароҳати ҳақида маълумот берди.
Ирландиялик жангчи бу ҳақда ижтимоий тармоқ саҳифасида маълум қилди.
"Бу олдинги хочсимон боғлам ва менискус эди. Холлоуэй билан биринчи жангдаги каби жароҳат, фақат бу сафар қарама-қарши оёғимда. Жуда ҳайратланарли. Тўққиз ойдан кейин мусобақага қайтдим", деб таъкидлади Макгрегор.
Унинг сўзларига кўра, тиббиётдаги замонавий ютуқлар ва такомиллаштирилган машғулотлар усулларини ҳисобга олган ҳолда, у келаси ёзга қадар жангга қайтиши мумкин.
"Мен қўлтиқтаёқсиз юраман. Ўтган куни оёқ чўзиш машқларини бажараётган эдим ва ҳамма нарса яхши ўтди. Шундай қилиб, мен ёрдамсиз юра оламан, ҳамма нарса жуда ижобий", деб қўшимча қилди спортчи.
Ирландиялик 12 июль куни беш йил ичида биринчи марта UFCда жанг қилди. Макгрегорнинг ўнг тиззасидан олган жароҳати туфайли жанг биринчи раундда тўхтатилди ва Холлоуэй ғолиб деб эълон қилинди.
Макгрегор аралаш жанг санъати (UFC) бўйича 22-7 рекордига эга.
"100 миллион доллар эвазига ҳатто ўз отамнинг ҳам юзига ураман"
Шавкат Раҳмонов энди октагонга умуман қайтмайди
“Ислом НАТО”сига қўшилишни хоҳловчилар кўпаймоқда
