Мадуро ишини кўриб чиқаётган судья 92 ёшида вафот этди

Нью-Йорк жанубий округи федерал судьяси Элвин Хеллерстайн 92 ёшида вафот этди.

The New York Times газетаси хабар беришича, бу ҳақда суд вакили маълум қилган.

Нашр маълумотларига кўра, АҚШ ҳукумати томонидан қўлга олинган Венесуэла президенти Николас Мадурога оид ишни кўриб чиқаётган Хеллерстайн 28 октябрь куни эрталаб вафот этган.

У 1998 йилда АҚШ президенти Билл Клинтон томонидан федерал судья этиб тайинланган ва қарийб 30 йил давомида кенг жамоатчилик эътиборини тортган шов-шувли ишларни кўриб чиққан.

Қайд этиш жоизки, Венесуэла раҳбари Николас Мадуро ва унинг рафиқасига нисбатан суд жараёни 2027 йил 1 июнга белгиланган. Ҳозирча Хеллерстайннинг ўрнини ким эгаллаши маълум эмас.