Мадуро америкаликларни Жанубий Америкадаги урушга қарши туришга чақирди

Венесуэла президенти Николас Мадуро АҚШ халқини Жанубий Америкадаги урушга ва Венесуэладаги режимни ўзгартириш режаларига қарши чиқишга чақирди.

Венесуэла етакчисининг нутқи Venezolana de Televisión телеканали томонидан намойиш этилди.

"Қўшма Штатлар халқи кучли овозини кўтариб, ҳарбий режаларга "йўқ", Жанубий Америкадаги урушга "йўқ", Венесуэладаги режим ўзгаришига "йўқ", нефть учун қон тўкилишига "йўқ" дейиши керак", деди Мадуро.

АҚШ маъмурияти Венесуэладаги демократик республика режимини мустамлакачи режимга алмаштиришни режалаштирмоқда, деди Мадуро. Унинг таъкидлашича, "бу содир бўлмайди, чунки бугунги кунда мустамлакачилик даври эмас". Венесуэла раҳбари “давлатлар ва халқлар суверенитетини ҳурмат қилишни” талаб қилди.

Мадуронинг таъкидлашича, Венесуэлада халқ ҳукмрон экан, тинч келажакка ишонч бор ва мамлакат тинчлик ва адолат сари қадам ташлашда давом этади.

Аввалроқ АҚШ президенти Доналд Трамп Трутҳ Сосиал нашрида америкалик ҳарбийлар Венесуэла “илгари ўғирланган” нефт, ер ва бошқа бойликларини Вашингтонга қайтариб бермагунича, бу мамлакатдаги фаолиятини кенгайтиришини маълум қилганди.