Ғарб мамлакатларидаги "қайноқ бошлар" "Россиянинг ядровий доктринаси янгиланиши муносабати билан сигналларни эшитдилар, бу уларнинг ҳовурини совитади." Бу ҳақда Беларус президенти Александр Лукашенко журналист Павел Зарубинга берган изоҳида маълум қилди.
"Қайноқ бошлар бу сигналларни аллақачон эшитишган, янгиланишдан олдин... Агар улар эшитмаганларида, эҳтимол, бизни, айниқса, Россияни узоқ масофага учувчи ракеталар билан бомбардимон қилишарди. Бу эса, эҳтимол, уларнинг ҳовурини совитади," - деди у.
Лукашенконинг сўзларига кўра, "ядровий доктринани янгилаш керак эди." Унинг айтишича, тахминан беш йил олдин "биз бу масалага ёндашганмиз."
25 сентябрь куни Россия президенти Владимир Путин Россия ядровий доктринасига "замонавий воқеликка мослаштириш" орқали ўзгартиришлар киритишни таклиф қилди. Унинг сўзларига кўра, "доктринанинг янгиланган таҳририда ядро қуролига эга бўлмаган давлат томонидан, аммо ядро қуролига эга давлат кўмагида ёки иштирокида Россияга қарши тажовуз қўшма ҳужум сифатида қаралади."
Дунёдаги энг кекса тимсоҳ — 1900 йилдан бери тирик ва 10 000 дан ортиқ наслнинг отаси билан танишинг
Сунъий интеллект 2028 йилда Криштиану Роналду 1000 та голли маррага етганида Лионел Месси қанча гол уришини башорат қилди
Эрон билан «ракета тенниси» Исроилнинг заифлигини кўрсатди
